Skip to content
AzadariVerse
AzadariVerse

Manqabat

Naad-e-Ali

Shahid Baltistani

2020Urdu
2020UrduImam Ali
Naad-e-Ali is a 2020 Urdu Manqabat recited and composed by Shahid Baltistani, with poetry by Mir Takallum. Drawing upon the devotional invocation Naad-e-Ali, its verses celebrate the courage, Wilayat and spiritual authority of Imam Ali (AS), with special emphasis on the battle of Khaybar and the defeat of Marhab.Read moreShow less
Lyrics DetailsTap to viewTap to hide
Category
Manqabat
Year
2020
Personalities
Imam Ali
Original
Urdu

Lyrics

Naad-e-Ali Lyrics

WA
Now Playing
AZADARIVERSE · LISTEN & READ

Naad-e-Ali

Naad-e-Ali

Shahid Baltistani

YouTube loads when you open Listen.

Naad-e-Ali

Shahid Baltistani

LYRICS

No verified timing yet · read alongside the video

Doston yeh saat Hijri ki baat hai
Jab Musalmanon ki izzat untaalis din se Khaybar mein daaon par lagi hui thi
Aakhir az-dast-e-Risalat dua ke liye buland hue
Aur lab-e-Risalat par wahi-e-naatiq kuchh yun machalne lagi

Naad-e-Ali an mazhar-al-ajaib

Ali Ya Ali
Ali Ya Ali
Ali Ya Ali

Pehra ilaahiyat pe Naad-e-Ali ka hai
Ek khauf mushkilaat pe Naad-e-Ali ka hai
Saaya ajaibaat par Naad-e-Ali ka hai
Ehsaan kainaat par Naad-e-Ali ka hai
Hai wird dhadkanon ka yehi hai Ali Madad
Naad-e-Ali simat kar bani Ya Ali Madad

Adam se kar raha hai safar Ya Ali Madad
Hai Murtaza ke zer-e-asar Ya Ali Madad
Taweez hai pehen lo agar Ya Ali Madad
Karta hai mushkilaat ko sar Ya Ali Madad
Mehshar mein jab namaaz bhi daaman chhudaayegi
Bas Ya Ali Madad ki sada kaam aayegi

Hai saamne ki baat na samjha yeh aadmi
Allah apna jism to rakhta nahin koi
Zaat-e-Khuda ne isliye khud ko rakha khafi
Dast-e-Khuda Ali hai, lisaan-e-Khuda Ali
Khud aazma ke dekho nazar aayenge Ali
Allah Madad kahoge magar aayenge Ali

Jo fakhr-e-Mustafa hai madad usse maangiye
Jo naasir-e-Khuda hai madad usse maangiye
Jo deen ka aasra hai madad usse maangiye
Jo zinda mojiza hai madad usse maangiye
Jo khud hi mar chuke hain woh kaise bachaayenge
Tum hashr tak bulaate rahoge na aayenge

Dam dam Ali Ali ki aati hai jo sada
Dil keh raha hai chhed doon Khaybar ka waaqiya

Khaybar mein goonjti hai yeh Salman ki pukaar
Lo aa gaye hain Haider-e-Karrar hoshiyar
Khush aaj Mustafa ke sahaabi hain beshumaar
Chhupti hai maut rann mein nikalti hai Zulfiqar
Maidaan-e-kaarzaar mein Haider utar gaye
Jibreel par samet lo warna yeh par gaye

Sar sar chali jo tegh to Marhab ka sar gaya
Marhab gaya to dil se sahaaba ka darr gaya
Do ungliyon se uthta saron se guzar gaya
Ab tak nahin pata dar-e-Khaybar kidhar gaya
Aati shikanj-o-ghaiz mein unki jabeen par
Phir dar to kya qila bhi na milta zameen par

Palta alam jo Mir Takallum woh gaad kar
Rakh di Ali ne kufr ki basti ujaad kar
Kehne laga yeh Dast-e-Khuda haath jhaad kar
Lo aa gaye hain hum dar-e-Khaybar ukhaad kar
Jitni bhi aaj jisko zaroorat hai loot lo
Talwaarein chhodo maal-e-ghanimat hai loot lo

Details

Lyrics Details

Category
Manqabat
Year
2020
Personalities
Imam Ali
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.