Skip to content
AzadariVerse
AzadariVerse

Manqabat

Karne Do Mujhe Saqi-e-Kausar Ki Sana

Mir Hasan Mir

2012Urdu
2012Urdu
Karne Do Mujhe Saqi-e-Kausar Ki Sana is a famous Manqabat in praise of Imam Ali (AS), popularly recited by Mir Hasan Mir. Written by Mir Takallum Mir, this kalaam highlights Ali as Saqi-e-Kausar, the manifestation of Tauheed, the secret of Wilayat, and the spiritual path of Salman. Read the Roman Urdu lyrics, Urdu lyrics, and English translation on AzadariVerse.Read moreShow less
Lyrics DetailsTap to viewTap to hide
Category
Manqabat
Year
2012
Original
Urdu

Lyrics

Karne Do Mujhe Saqi-e-Kausar Ki Sana Lyrics

WA
Now Playing
AZADARIVERSE · LISTEN & READ

Karne Do Mujhe Saqi-e-Kausar Ki Sana

Karne Do Mujhe Saqi-e-Kausar Ki Sana

Mir Hasan Mir

YouTube loads when you open Listen.

Karne Do Mujhe Saqi-e-Kausar Ki Sana

Mir Hasan Mir

LYRICS

No verified timing yet · read alongside the video

Saheb-e-Zulfikar Al-Madad Adain ×2

Kam mushkil hai, ba-imdaad-e-Khuda kar dunga
Aaj main ishq ka toofan bapa kar dunga

Karne do mujhe Saqi-e-Kausar ki sana ×2

Raaz Allah ki Tauheed hai, humraaz Ali
Kibriyai ki daleelon ka hai aaghaz Ali
Dil-e-be-dil se jo nikli hai woh aawaz Ali
Aasmaan-saaz, zameen-saaz, bashar-saaz Ali
Kar-e-takhleeq ba-taeed-e-Ahad karta hai
Arey yeh woh banda hai jo Khaliq ki madad karta hai

Karne do mujhe Saqi-e-Kausar ki sana

Mimbar-e-alam-e-imkaan ka Khateeb-e-Aazam
Bolta tha to thehar jaate the lamhon ke qadam
Mera is baat pe Eeman hai Quran ki qasam
Larkharata na jo kam-zarf Nuseri us dam
Apne hubdaron ko nabiyon se barha dete Ali
Aik ik shakhs ko Salman bana dete Ali

Karne do mujhe Saqi-e-Kausar ki sana

Wahi Jibreel hi laate the, yeh Eeman hai mera
Is rawish par bhi zara sochiye aye Ahl-e-Wila
Aage Sidra se farishta yeh nahi ja sakta
Phir yeh Quran bhala kis ki badolat pohncha
Nutq Allah ka Maula mere ban jaate thay
Jo Ali kehte the Jibreel wohi laate thay

Karne do mujhe Saqi-e-Kausar ki sana

Jis ki marzi hai muqaddar, woh Sikandar hai Ali
Jis se sadir hue Masoom, woh masdar hai Ali
Jis ka mehkoom hai Kausar, woh samandar hai Ali
Jo hai Tauheed ka izhar, woh mazhar hai Ali
Jo bhi pardah Shab-e-Meraj ka sarkaye ga
Us ko Allah nahi, Haider hi nazar aaye ga

Karne do mujhe Saqi-e-Kausar ki sana

Aye Azadaro humein phir se sambhalna hoga
Apne kirdar se mahaul badalna hoga
Tor kar waqt ki zanjeer nikalna hoga
Rah-e-Salman pe Eeman se chalna hoga
Hum muhibbon pe jo wa zulm ka darwaza hai
Yeh Ali ko na samajhne ka hi khamayaza hai

Karne do mujhe Saqi-e-Kausar ki sana

Madh-e-Haider mein Takallum yeh taqaiyya kaisa
Maslehat kaisi, ana kaisi, bahana kaisa
Aur waqt ke saath aqeede ko badalna kaisa
Maut aani hai to phir maut se khatra kaisa
Band yeh ishq ka darwaza nahi kar sakta
Aur main Ali par koi samjhota nahi kar sakta

Karne do mujhe Saqi-e-Kausar ki sana

Details

Lyrics Details

Category
Manqabat
Year
2012
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.