Skip to content
AzadariVerse
AzadariVerse

Marsiya

Aye Momino Ye Fasl e Gham e Sher e Khuda Hai

Urdu
UrduImam AliRamadan
Aye Momino Ye Fasl e Gham e Sher e Khuda Hai is a traditional Urdu marsiya mourning the martyrdom of Imam Ali (AS) during Ramadan. It describes the fatal sword attack in the mosque, the sorrow of Imam Hussain (AS) and Hazrat Abbas (AS), and the final days of the Lion of God. Read the complete six-stanza version with Roman Urdu lyrics, Urdu script and English translation on AzadariVerse.Read moreShow less
Lyrics DetailsTap to viewTap to hide
Category
Marsiya
Personalities
Imam Ali
Occasion
Ramadan
Original
Urdu

Lyrics

Aye Momino Ye Fasl e Gham e Sher e Khuda Hai Lyrics

WA

Aye Momino Yeh Fasl-e-Gham-e-Sher-e-Khuda Hai
Matam Ke Hain Din Mausam-e-Faryad-o-Buka Hai
Rone Ka Hai Ghul Kahin Aahon Ki Sada Hai
Maula Ke Azadaron Mein Ek Hashr Bapa Hai

Sar Peet Ke Damaad Ka Pursa Do Nabi Ko
Maara Hai Inhi Rozon Mein Zalim Ne Ali Ko

Is Zor Se Zarbat Sar-e-Aqdas Pe Lagayi
Woh Zulm Ki Shamsheer Jabeen Tak Utar Aayi
Maloon Ne Thi Zehr Mein Talwar Bujhayi
Ghul Par Gaya Shamsheer Yadullah Ne Khayi

Zakhmi Kiya Bazu Ko Rasool-e-Do-Sara Ke
Behta Hai Namazi Ka Lahu Ghar Mein Khuda Ke

Faryad Hai Shiyon Ke Madadgar Ko Maara
Dunya-e-Dani Ke Liye Deendar Ko Maara
Randon Ke Yateemon Ke Parastar Ko Maara
Maah-e-Ramadan Mein Shah-e-Abrar Ko Maara

Turbat Mein Rasool-e-Arabi Rote Hain Haaye Haaye
Bin Baap Ke Sibtain-e-Nabi Hote Hain Haaye Haaye

Zahra Ke Pisar Ghar Se Chale Ba-Dil-e-Muztar
Shabbir Ke Hamrah The Abbas-e-Dilawar
Masjid Mein Jo Dakhil Hue Rote Hue Sarwar
Dekha Ke Tarapte Hain Pare Khaak Pe Haider

Rone Lage Bete Shah-e-Wala Se Lipat Kar
Shabbir To Ghash Ho Gaye Baba Se Lipat Kar

Hosh Aaya To Kehne Lage Faryad Khudaya
Bin Maa Ke To The Baap Ka Ab Uthta Hai Saya
Aada Ne Humein Eid Ke Nazdeek Rulaya
Kis Shakhs Ne Baba Tumhein Yeh Zakhm Lagaya

Beton Se Sukhan Sabr Ke Farmate The Hazrat
Qatil Ka Magar Naam Na Batlate The Hazrat

Do Roz Talak Ghash Mein Rahe Sarwar-e-Alam
Beestum Ko Hua Jism Pe Zahir Asar-e-Samm
Aur Khoon Na Thama Zakhm-e-Sar-e-Paak Se Ek Dam
Ikkeeswin Shab Aayi To Barpa Hua Matam

Duniya Se Isi Shab Ko Safar Kar Gaye Maula
Shiyon Ki Kamar Toot Gayi Mar Gaye Maula

Details

Lyrics Details

Category
Marsiya
Personalities
Imam Ali
Occasion
Ramadan
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.