Skip to content
AzadariVerse
AzadariVerse

Noha

Fatima Ke Chayn Ne Ali Ke Noor-e-Ain Ne

Anjuman-e-Zulfiqar-e-Haidery

Urdu
UrduImam HussainMuharram
Fatima Ke Chayn Ne Ali Ke Noor-e-Ain Ne honours Imam Hussain’s stand against injustice and the sacrifices made at Karbala to protect faith. The Noha remembers the bravery of Hazrat Abbas and Ali Akbar, the martyrdom of infant Ali Asghar, and Imam Hussain’s grief beside his child’s grave. Read the verses in Roman Urdu, Urdu and English.Read moreShow less
Lyrics DetailsTap to viewTap to hide

Lyrics

Fatima Ke Chayn Ne Ali Ke Noor-e-Ain Ne Lyrics

WA

Fatima Ke Chayn Ne, Ali Ke Noor-e-Ain Ne
Ba-Khuda Hussain Ne Deen Ko Bacha Liya

Maut Raqs Kar Rahi Thi Zindagi Ke Naam Par
Mimbar-e-Rasool Bik Raha Tha Takht-e-Shaam Par
Deen Ki Asaas Ne, Dast-e-Haq Shanaas Ne
Ummat-e-Muhammadi Ko Khwab Se Jaga Diya

Har Taraf Se Band Ho Chuke The Haq Ke Raaste
Khoon Maangta Tha Deen Zindagi Ke Waaste
Deen Ke Usool Ne, Naib-e-Rasool Ne
Zindagi Ka Qarz Apne Khoon Se Chuka Diya

Barhte Barhte Baat Jab Usool-e-Deen Pe Aa Gayi
Aur Yazidiyat Ki Shakl Mein Urooj Paa Gayi
Barh Ke Phir Diler Ne, Sher-e-Haq Ke Sher Ne
Do Pahar Mein Takht-o-Taaj-o-Qasr-e-Shaam Dhaa Diya

Phir Se Shirk Ki Taraf Palat Na Jaaye Aadmi
Rah-e-Mustaqeem Se Bhatak Na Jaaye Aadmi
Shah-e-Tashna-Kaam Ne, Waqt Ke Imam Ne
Haq Ki Raah Par Lahoo Se Ek Diya Jala Diya

Halq-e-Be-Zaban Se Zulm Ki Kamaan Torh Di
Shehrag-e-Guloo Se Khanjaron Ki Dhaar Morh Di
Naazish-e-Hayat Ne, Fakhr-e-Kainaat Ne
Sar Kata Ke Aadmi Ka Sar Buland Kar Diya

Dil Kahan Se Laun Jo Karun Yeh Waqia Bayan
Teen Din Ki Pyaas Mein Woh Hausla Ke Al-Amaan
Zulm Ke Aseer Ne, Ran Mein Ek Sagheer Ne
Muskura Ke Fauj-e-Shaam Ko Rula Rula Diya

Laakh Jaan-o-Dil Nisaar Sayyid-e-Anaam Par
Ro Diya Falak Bhi Be-Kasi-e-Tashna-Kaam Par
Apne Mah-Jabeen Ko, Dilbar-e-Haseen Ko
Kheench Kar Gale Se Teer Jab Gale Laga Liya

Dafan Kar Chuke Jo Para-e-Jigar Ko Shah-e-Deen
Qabr Par Chhirakne Ko Mila Na Aab Jab Kahin
Shah-e-Dil-Malool Ne, Dilbar-e-Batool Ne
Lahad-e-Be-Zaban Ko Apne Aansuon Se Tar Kiya

Dil Tarap Utha Jo Karbala Ki Yaad Aa Gayi
Tashnagi-e-Shah-e-Karbala Lahoo Rula Gayi
Shah Ke Gham-Guzar Ne, Chashm-e-Ashk-Bar Ne
Daman-e-Rah-e-Najaat Motiyon Se Bhar Diya

Details

Lyrics Details

Category
Noha
Personalities
Imam Hussain, Sayyida Fatima Zahra, Imam Ali, Hazrat Abbas, Ali Akbar, Ali Asghar, Bibi Rabab
Occasion
Muharram, Ashura
Themes
Imam Hussain’s steadfastness, Martyrdom of infant Ali Asghar, Sacrifice at Karbala
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.