Skip to content
AzadariVerse
AzadariVerse

Noha

Haq-o-Sadaqat Ki Raahon Ko Rok Sako To Beshak Roko

Anjuman-e-Zulfiqar-e-Haidery

Urdu
UrduImam AliMuharram
Haq-o-Sadaqat Ki Raahon Ko Rok Sako To Beshak Roko celebrates the resilience of Azadari, love for Imam Ali and Imam Hussain, and the refusal of faithful mourners to surrender to oppression.Read moreShow less
Lyrics DetailsTap to viewTap to hide
Category
Noha
Occasion
Muharram, Ashura
Original
Urdu

Lyrics

Haq-o-Sadaqat Ki Raahon Ko Rok Sako To Beshak Roko Lyrics

WA

Haq-o-Sadaqat Ki Raahon Ko Rok Sako To Beshak Roko
Matam Se Matamdaaron Ko Rok Sako To Beshak Roko

Aag Ke Toofaanon Se Khele Hain Tap Kar Nikhre Hain Hum
Chaudah Sau Saala Tareekh Ke Seene Par Bikhre Hain Hum
Khoon Ka Dariya Paar Kiya Tab Saahil Par Utre Hain Hum
Ashkon Ki In Barsaaton Ko Rok Sako To Beshak Roko

Jannat Ke Darwaazon Par Likha Hai Yeh Ba-Harf-e-Jali
Naam Ali Ka Leti Hai Tab Khilti Hai Gulshan Mein Kali
Zarra Zarra Do Aalam Ka Bol Raha Hai Ali Ali
Ali Ali Ke In Naaron Ko Rok Sako To Beshak Roko

Hukm-e-Khuda Se Maulai Ka Taaj Ali Ke Sar Pe Saja
Hubb-e-Ali Ka Jaam Nabi Ke Haathon Se Taqseem Hua
Dast-e-Nabuwwat Se Le Le Kar Peete Rahenge Ahl-e-Wila
Waadi-e-Khumm Ke Maikhwaaron Ko Rok Sako To Beshak Roko

Fikr-e-Yazidi Aaj Bhi Khaaif Hai Abbas Ke Parcham Se
Bahr-e-Zulmat Larza Bar Andaam Hai Chashm-e-Purnam Se
Girne Hi Ko Hai Deewaar-e-Zulm Hamaare Matam Se
Girti Hui In Deewaaron Ko Rok Sako To Beshak Roko

Maisam Ka Andaaz-e-Takallum Le Gaya Haye Dil Apna
Maut Ko Yun Dekha Hans Kar Dil Chhor Gaya Qaatil Apna
Zulmat Ka Dariya Jo Charha Tha Bhool Gaya Saahil Apna
Daar Pe Yun Charhne Waalon Ko Rok Sako To Beshak Roko

Khoon-e-Jigar Se Apne Roshan Karte Rahenge Ahl-e-Wila
Hon Kitni Hi Tez Hawaayein Jalti Rahegi Shamm-e-Aza
Kitna Dam Kham Hai Baatil Mein Yeh Hum Bhi Dekhein To Zara
Shamma Jali Hai Parwaanon Ko Rok Sako To Beshak Roko

Jitna Bhi Tum Se Mumkin Ho Zor Laga Lo Jee Bhar Ke
Barhta Hi Jaayega Yeh Toofaan Mukhaalif Jhonkon Se
Ashkon Ke Sailaab Ke Aage Band Kahan Tak Baandhoge
Biphri Hui Khoon Ki Dhaaron Ko Rok Sako To Beshak Roko

Jin Raahon Se Chal Kar Hurr Shabbir Ke Qadmon Tak Pahuncha
Deta Rahega Ta-Abad Har Naqsh-e-Kaf-e-Paa Uska Pata
Yeh Raahein Har Pal Khuli, Yeh Raasta Hai Har Waqt Khula
Hurr Ban Kar Aane Waalon Ko Rok Sako To Beshak Roko

Woh Bhi The Kya Log Jo Haq Par Jaan Ko Apni Waar Gaye
Zulm Sahe Is Shaan Se Ke Khud Zulm Ke Baani Haar Gaye
Hanste Khelte Ulfat Mein Shabbir Ki Soo-e-Daar Gaye
Mar Kar Yun Jeene Waalon Ko Rok Sako To Beshak Roko

Dhoom Macha Di Maqtal Mein Zainab Ke Raaj Dulaaron Ne
Paat Diya Laashon Se Maqtal Bint-e-Ali Ke Pyaaron Ne
Dhaa Diya Ibn-e-Saad Ka Khaima Jafar Ke Dildaaron Ne
Do-Dhaari In Talwaaron Ko Rok Sako To Beshak Roko

Abid Ko Ta-Shaam Bayaada-Paa Le Jaa Sakte Ho Tum
Tauq Gale Mein Paaon Mein Zanjeer Pehna Sakte Ho Tum
Zaum Agar Yeh Hai Haq Ki Aawaaz Daba Sakte Ho Tum
Zanjeeron Ki Jhankaaron Ko Rok Sako To Beshak Roko

Details

Lyrics Details

Category
Noha
Personalities
Imam Ali, Imam Hussain, Hazrat Abbas, Sayyida Zainab, Imam Zainul Abidin, Hazrat Hurr
Occasion
Muharram, Ashura
Themes
Enduring devotion and Azadari, Standing firm against oppression, Courage and truth
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.