Skip to content
AzadariVerse
AzadariVerse

Marsiya

Jab Chale Yasrib Se Sibt-e-Mustafa Soo-e-Iraq

Dilgeer Lucknavi

Urdu
UrduImam Hussain
Jab Chale Yasrib Se Sibt-e-Mustafa Soo-e-Iraq is a traditional Urdu marsiya describing Imam Hussain's (AS) departure from Madina and farewell at the shrine of Prophet Muhammad (SAWW). The poetry reflects on the journey towards Karbala, the hardships facing the Ahlulbayt, the demand for allegiance, and the grief of leaving Bibi Fatima Sughra (SA) behind. Read the six-stanza version with Roman Urdu lyrics, Urdu script and English translation on AzadariVerse.Read moreShow less
Lyrics DetailsTap to viewTap to hide
Category
Marsiya
Personalities
Imam Hussain
Original
Urdu

Lyrics

Jab Chale Yasrib Se Sibt-e-Mustafa Soo-e-Iraq Lyrics

WA

Jab Chale Yasrib Se Sibt-e-Mustafa Soo-e-Iraq
Thi Dar-o-Deewar Se Paida Sada-e-Al-Firaq
Jadd Ke Rauze Par Gaye Rukhsat Ko Ba-Sad Ishtiyaq
Arz Ki Nana Bulate Hain Mujhe Ahl-e-Nifaq

Ho Gaya Daryaft Yeh Khat Ke Qareene Se Mujhe
Karte Hain Zalim Juda Is Dam Madine Se Mujhe

Dekhna Yeh Mausam-e-Garma Yeh Bachche Nazneen
Dhoop Ki Shiddat Yeh Registan Aur Jalti Zameen
Ab Watan Mein Apne Jeete Phir Ke Aane Ke Nahi
Aap Ka Rauza Kahin Hoga Mera Marqad Kahin

Tafriqa Ummat Ne Dala Sar Ba-Sehra Hum Chale
Fatima Sughra Rahin Marqad Ke Saaye Ke Tale

Qatl Par Mere Kamar Baandhe Hain Na-Haq Ashqiya
Ghar Ke Rehne Par Talab Karte Hain Bai'at Be-Haya
Haath Se Marwan Ke Tang Aaya Hoon Shah-e-Ambiya
Ab Muqarrar Mujh Se Nana Yasrab-o-Batha Chhuta

Na Madine Mein Rahunga Aur Na Baitullah Mein
Karbala Jaata Hoon Sar Dene Khuda Ki Raah Mein

Soch Hai Itna Ke Sab Ahl-e-Haram Hamraah Hain
Aur Paharon Ka Safar Hai Manzilein Jang-Gah Hain
Shola-e-Aatish Se Loo Mein Garmtar Wallah Hain
Khushk Hain Talaab Sookhe In Dinon Mein Chaah Hain

Hain Shajar Sookhe Hue Koson Nahi Patte Ki Chhaon
Manzilein Veeran Hain Raste Hain Qariya Hai Na Gaon

Apni Apni Ja Chhupe Baithe Hain Saare Wahsh-o-Tair
Main Chala Hoon Is Tapish Mein Dekhna Ummat Ka Bair
Yeh Safar Aur Saath Kachcha Log Dushman Mulk Ghair
Mujh Pe Jo Guzre So Guzre Par Rahe Bachchon Ki Khair

Dekhiye Haq Mein Mere Kya Marzi-e-Ghaffar Hai
Fatima Sughra Juda Ghar Mein Yahan Bimar Hai

Aap Ki Ummat Ne Nana Sataya Hai Mujhe
Dam Ghanimat Rauza-e-Aqdas Ka Saaya Hai Mujhe
Kis Tapish Mein Ghar Se Aada Ne Bulaya Hai Mujhe
Turbat-e-Aali Ki Khidmat Se Chhuraya Hai Mujhe

Go Juda Hota Hoon Main Is Marqad-e-Purnoor Se
Par Ziyarat Roz-o-Shab Parhta Rahunga Door Se

Details

Lyrics Details

Category
Marsiya
Personalities
Imam Hussain
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.