Skip to content
AzadariVerse
AzadariVerse

Marsiya

Jabke Bint-e-Shah-e-Lolak Ne Rehlat Paayi

Urdu
UrduAyyam-e-Fatimiyah
Jabke Bint-e-Shah-e-Lolak Ne Rehlat Paayi is an Urdu marsiya about the passing of Bibi Fatima Zahra (SA), Imam Ali's (AS) mourning, and the farewell of Imam Hasan (AS) and Imam Hussain (AS). Its later stanzas recall Imam Hussain's love for Bibi Sakina (SA) and her grief at Karbala. Read the eight-stanza printed version in Roman Urdu, Urdu script and English on AzadariVerse.Read moreShow less
Lyrics DetailsTap to viewTap to hide
Category
Marsiya
Occasion
Ayyam-e-Fatimiyah
Original
Urdu

Lyrics

Jabke Bint-e-Shah-e-Lolak Ne Rehlat Paayi Lyrics

WA

Jab Ke Bint-e-Shah-e-Lolak Ne Rehlat Paayi
Alam-e-Furqat-e-Ahmad Se Faraghat Paayi
Daulat-e-Wasl-e-Pidar Gham Ki Badolat Paayi
Naqd-e-Jaan De Ke Payambar Ki Ziyarat Paayi
Saikron Dukh Sahe Atharah Baras Ke Sin Mein
Khatima Jin Ka Hua Pachhattar Din Mein

Ghar Mein Khatoon-e-Qayamat Ke Qayamat Thi Ayaan
Munh Pe Rumal Rakhe Rote The Shah-e-Mardan
Gham Se Betaab The Sardar-e-Jawanan-e-Jinaan
Ek Taraf Zainab-o-Kulsoom Thin Mashghool-e-Fughaan
Shor-e-Girya Se Na Kuchh Baat Suni Jaati Thi
Dar-o-Deewar Se Rone Ki Sada Aati Thi

De Chuke Jab Ke Ali Fatima Ko Ghusl-o-Kafan
Di Sada Aal-e-Muhammad Ko Ba-Sad Ranj-o-Mihan
Aao Ae Zainab-o-Kulsoom Hussain Aur Hasan
Dekh Lo Aakhri Deedar To Karna Shewan
Chaand Si Shakl Yeh Ab Khaak Ke Andar Hogi
Hashr Tak Phir Yeh Ziyarat Na Muyassar Hogi

Hasnain Aaye Sar-e-Laash Pukare Amma
Bachpane Par Na Kiya Reham Hamare Amma
Gesu Uljhe Hain Inhein Kaun Sanware Amma
Dekho Rote Hain Khare Aap Ke Pyare Amma
Noor-e-Chashmon Ke Liye Aankh Nahi Kholti Ho
Kya Khata Hum Se Hui Ho Jo Nahi Bolti Ho

Keh Ke Yeh Laash Se Lipte Woh Ba-Sad Ranj-o-Mihan
Aayi Laash Se Sada Haaye Hussain Haaye Hasan
Haath Mayyat Ke Uthe Toot Gaye Band-e-Kafan
Pyar Lipat Ke Kiya Bachchon Ko Aur Choome Dahan
Maan Pas-e-Marg Bhi Beton Pe Fida Hoti Thi
Bete Madar Se Na Maan Un Se Juda Hoti Thi

Maan Se Beton Ko Ba-Mushkil Kiya Haider Ne Juda
Ponchh Kar Ashk Dilasa Diya Aur Pyar Kiya
Qabil-e-Ghaur Hai Ab Haal Sakina Ka Zara
Kis Tarah Laash Se Baba Ke Chimti Woh Dukhya
Mawrid-e-Lutf-e-Pidar Fatima Ke Laal Hue
Donon Rukhsar Tamanchon Se Wahan Laal Hue

Thi Sakina Se Ajab Ulfat Ibn-e-Haider
Josh-e-Ulfat Se Yeh Farmate The Hazrat Aksar
Huye Jis Ghar Mein Rabab Aur Sakina Ka Guzar
Mujh Ko Mehboob Hai Har Ek Makaan Se Woh Ghar
Haaye Yaan Seena-e-Shabbir Pe Jo Soti Thi
Ek Din Laasha-e-Sarwar Pe Khari Roti Thi

Pyar Karte The Sakina Ko Nihayat Sarwar
Woh Bhi Sau Jaan Se Thi Aashiq-o-Shaida-e-Pidar
Ran Mein Jab Dilbar-e-Zahra Ka Qalam Ho Gaya Sar
Nikli Maidan Khaime Se Khule Sar Bahar
Peetti Haathon Se Apna Sar-o-Seena Aayi
Roti Aur Peetti Maqtal Mein Sakina Aayi

Details

Lyrics Details

Category
Marsiya
Occasion
Ayyam-e-Fatimiyah
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.