Skip to content
AzadariVerse
AzadariVerse

Noha

Ghar Main Aya Hai Qatil e Akbar

Mir Hasan Mir

2021Urdu
2021UrduImam HussainMuharram
Ghar Main Aya Hai Qatil e Akbar is a 2021 Urdu noha recited by Mir Hasan Mir and written by Mir Takallum. The poetry portrays the grief of Umm-e-Laila when the killer of Ali Akbar arrives as a guest at Imam Zainul Abidin's home in Madinah, contrasting the mercy of the Ahlulbayt with the suffering of Karbala.Read moreShow less
Lyrics DetailsTap to viewTap to hide
Category
Noha
Year
2021
Occasion
Muharram
Original
Urdu

Lyrics

Ghar Main Aya Hai Qatil e Akbar Lyrics

WA
Now Playing
AZADARIVERSE · LISTEN & READ

Ghar Main Aya Hai Qatil e Akbar

Ghar Main Aya Hai Qatil e Akbar

Mir Hasan Mir

YouTube loads when you open Listen.

Ghar Main Aya Hai Qatil e Akbar

Mir Hasan Mir

LYRICS

No verified timing yet · read alongside the video

Akbar, Ali Akbar

Shiddat-e-sabr se mar jaye na maa Akbar ki
Din Madine mein woh taqdeer ne dikhlaya hai
Jis ne maari thi kaleje mein sina Akbar ke
Ban ke mehman woh Sajjad ke ghar aaya hai

Ghar mein aaya hai qatil-e-Akbar, Umm-e-Laila ko ho gayi hai khabar
Sheh tarapte hain qabr ke andar, maa tarapti hai qabr se bahar
Ghar mein aaya hai qatil-e-Akbar, Umm-e-Laila ko ho gayi hai khabar

Phir wohi kaifiyat hai Laila ki, haal tha jo jawan ke laashe par
Us ke qadmon ki aahatein sun kar, maa ne thaama hua hai apna jigar
Ghar mein aaya hai qatil-e-Akbar, Umm-e-Laila ko ho gayi hai khabar

Chehra Karb-o-Bala ki janib hai, paani haathon mein le ke roti hai
Phir raha hai nigah mein maa ki, Ali Akbar ki maut ka manzar
Ghar mein aaya hai qatil-e-Akbar, Umm-e-Laila ko ho gayi hai khabar

Umm-e-Laila sambhal Zainab ko, kal yeh Shabbir de rahe the sada
Aaj Abid phuphi se kehte hain, maa ko meri sambhaliye ja kar
Ghar mein aaya hai qatil-e-Akbar, Umm-e-Laila ko ho gayi hai khabar

Qabr-e-Zahra se aa rahi hai sada, is ne maara hai mere Baba ko
Phir Madine mein ek qayamat hai, hil raha hai mazaar-e-Payambar
Ghar mein aaya hai qatil-e-Akbar, Umm-e-Laila ko ho gayi hai khabar

Ali Akbar lipat ke qadmon se, keh rahe honge apne Baba se
Toot jaye na zabt ka bandhan, hausla maa ko dijiye ja kar
Ghar mein aaya hai qatil-e-Akbar, Umm-e-Laila ko ho gayi hai khabar

Sar-e-Akbar utha ke nezay par, Umm-e-Laila ko yeh dikhata tha
Us ko kaise woh bhool sakti hai, jis se khaye the Shaam mein patthar
Ghar mein aaya hai qatil-e-Akbar, Umm-e-Laila ko ho gayi hai khabar

Yeh kareemi se ruk nahi sakte, qatilon ko duaein dete hain
Is se pehle ke bakhsh dein Abid, koi Mukhtar se kahe ja kar
Ghar mein aaya hai qatil-e-Akbar, Umm-e-Laila ko ho gayi hai khabar

Tum ne Sajjad mujh ko pehchana, sun ke qatil se bole yeh Maula
Tu woh Ibn-e-Numair hi hai na, jis ne tukre kiya hamara jigar
Ghar mein aaya hai qatil-e-Akbar, Umm-e-Laila ko ho gayi hai khabar

Kal the mehman hum tere zalim, aaj mehman tu hamara hai
Aur kuchh chahiye bata tujh ko, abhi keh doon phuphi se main ja kar
Ghar mein aaya hai qatil-e-Akbar, Umm-e-Laila ko ho gayi hai khabar

Dil nahi lagta aaj ghar mein mera, aye Takallum yeh maa ka noha tha
Thaam kar koi mere baazu ko, le chale Fatima ki turbat par
Ghar mein aaya hai qatil-e-Akbar, Umm-e-Laila ko ho gayi hai khabar

Details

Lyrics Details

Category
Noha
Year
2021
Personalities
Imam Hussain, Imam Zainul Abidin
Occasion
Muharram
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.