Skip to content
AzadariVerse
AzadariVerse

Noha

Sakina Aur Zahra

Mir Hasan Mir

2021Urdu
2021UrduImam AliAyyam-e-Fatimiyah
Sakina Aur Zahra is a sorrowful Urdu noha recited by Mir Hasan Mir, comparing the suffering of Bibi Fatima Zahra and her granddaughter Bibi Sakina. Through the poetry of Mir Takallum, it reflects upon their injuries, loss, captivity, devotion to Imamate and the grief endured by both generations.Read moreShow less
Lyrics DetailsTap to viewTap to hide
Category
Noha
Year
2021
Occasion
Ayyam-e-Fatimiyah, Muharram
Original
Urdu

Lyrics

Sakina Aur Zahra Lyrics

WA
Now Playing
AZADARIVERSE · LISTEN & READ

Sakina Aur Zahra

Sakina Aur Zahra

Mir Hasan Mir

YouTube loads when you open Listen.

Sakina Aur Zahra

Mir Hasan Mir

LYRICS

No verified timing yet · read alongside the video

Sakina aur Zahra ki museebat ek jaisi hai
Hain tooti pasliyan dono ki, haalat ek jaisi hai

Wahan Bint-e-Rasool Allah ka pehlu shikasta hai
Yahan bachhi ke kaanon se abhi bhi khoon rista hai
Lahad mein ja ke bhi dono ki ghurbat ek jaisi hai

Wahan Qunfuz ke haathon ne koi tehreer likhi hai
Yahan tehreer zalim Shimr ke haathon ki milti hai
Likhi dono ke chehron par ibarat ek jaisi hai

Gayi ek ek dar par Fatima shehr-e-Madina mein
Sakina darbadar phirti rahi hai Shaam-o-Koofa mein
Wilayat ke liye in ki musafat ek jaisi hai

Sar-e-darbar dadi aur poti ki hui peshi
Woh atharah baras ki aur yeh hai chaar barson ki
Na jaane phir bhi kyun baalon ki rangat ek jaisi hai

Use kehte the Yasrab wale, roye shehr se bahar
Tamache maarte the Shaam wale is ko rone par
Dilon mein baap ko rone ki hasrat ek jaisi hai

Sitamgar ke tamache ki na jaane kaisi zarbat hai
Sahare se chalein deewar ke dono, qayamat hai
Nazar kuchh bhi nahi aata, basarat ek jaisi hai

Gale se Murtaza ke rassiyan Zahra chhurati hain
Sakina tauq pe Sajjad ke paani bahati hain
Imamat ke liye dono ki mehnat ek jaisi hai

Mita dena nishan-e-qabr-e-mayyat qabr mein rakh kar
Wilayat ka koi munkir nahi aaye janaze par
Imam-e-Waqt se un ki wasiyat ek jaisi hai

Qayamat ban ke aaya tha Takallum waqt Maghrib ka
Idhar baali Sakina ka, udhar Zahra ka dam nikla
Jahan se in ke jaane ki bhi saa'at ek jaisi hai

Details

Lyrics Details

Category
Noha
Year
2021
Personalities
Imam Ali, Imam Zainul Abidin
Occasion
Ayyam-e-Fatimiyah, Muharram
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.