Skip to content
AzadariVerse
AzadariVerse

Noha

Zakhm-e-Akbar Pe Laila Rida Daal Do

Mir Hasan Mir

2017Urdu
2017UrduImam HussainMuharram
Zakhm-e-Akbar Pe Laila Rida Daal Do is a 2017 Noha recited by Mir Hasan Mir, mourning the martyrdom of Hazrat Ali Akbar (a.s.) at Karbala. The lament portrays Imam Hussain (a.s.) calling upon Bibi Laila to cover their son's wounds, while remembering the grief of Bibi Sakina, Bibi Sughra and the women of the Ahlulbayt.Read moreShow less
Lyrics DetailsTap to viewTap to hide
Category
Noha
Year
2017
Personalities
Imam Hussain
Occasion
Muharram, Ashura
Original
Urdu
Album
Zameen e Karbala Walay

Lyrics

Zakhm-e-Akbar Pe Laila Rida Daal Do Lyrics

WA
Now Playing
AZADARIVERSE · LISTEN & READ

Zakhm-e-Akbar Pe Laila Rida Daal Do

Zakhm-e-Akbar Pe Laila Rida Daal Do

Mir Hasan Mir

YouTube loads when you open Listen.

Zakhm-e-Akbar Pe Laila Rida Daal Do

Mir Hasan Mir

LYRICS

No verified timing yet · read alongside the video

Haye Akbar, haye Akbar ×3

Keh rahe the yeh ro ro ke Sarwar
Zakhm-e-Akbar pe Laila rida daal do

Mera farzand hai khoon mein tar ×2
Zakhm-e-Akbar pe Laila rida daal do

Zakhm se is qadar khoon baha hai
Khoon-e-Akbar se tar Karbala hai
Naiza-e-zulm ki loriyon se
Laadla mera soya hua hai
Koi is ko jaga de na aa kar
Zakhm-e-Akbar pe Laila rida daal do

Haath mein khoon ki mehndi laga lo
Bas tasawwur mein dulha bana lo
Tum ne maani hain jo zindagi bhar
Mannatein aaj saari barha lo
Ghurbaton ka yeh sehra saja kar
Zakhm-e-Akbar pe Laila rida daal do

Meri behnon ko kab yeh pata hai
Woh samajhti hain yeh so raha hai
Sard hai jism, saakit hain nabzein
Mera karyal jawan mar chuka hai
Haath seene se is ka hata kar
Zakhm-e-Akbar pe Laila rida daal do

Gham ki kaali ghata chha rahi hai
Mujh ko yeh baat tadpa rahi hai
Parda Syedaniyon ka lutega
Shaam-e-ghurbat qareeb aa rahi hai
Phir mayassar kahan hogi chadar
Zakhm-e-Akbar pe Laila rida daal do

Khaak mein mil gaya hai woh Bano
Jis ko mitti bhi lagne na di ho
Kitne naazon se paala tha us ne
Zakhm jaldi se Bibi chhupa do
Bint-e-Zahra na dekhe yeh manzar
Zakhm-e-Akbar pe Laila rida daal do

Haye meri Sakina ki ghurbat
Kaise dekhegi bhai ki mayyat
Do janaze na uthhenge mujh se
Woh to zindaan ki hai amaanat
Mar na jaye kahin meri dukhtar
Zakhm-e-Akbar pe Laila rida daal do

Us ko yeh keh ke dena dilaasa
Tu ne dekha na bhai ka laasha
Teri jaanib se maadar ne lekin
Be-kafan ko kafan de diya tha
Naam beemar Sughra ka le kar
Zakhm-e-Akbar pe Laila rida daal do

Aye Hilal, ek mehshar bapa tha
Khaima-e-Shah maatam-kada tha
Ashk aankhon se paiham rawaan the
Aal-e-Ahmad mein shor-e-buka tha
Jab yeh kehte the Sibt-e-Payambar
Zakhm-e-Akbar pe Laila rida daal do

Keh rahe the yeh ro ro ke Sarwar
Zakhm-e-Akbar pe Laila rida daal do

Details

Lyrics Details

Category
Noha
Year
2017
Personalities
Imam Hussain
Occasion
Muharram, Ashura
Original language
Urdu
Album
Zameen e Karbala Walay

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.