Skip to content
AzadariVerse
AzadariVerse

Noha

Noke Neza

Irfan Haider

2005Urdu
2005UrduHazrat AbbasMuharram
Noke Neza is an Urdu noha recited by Irfan Haider, reflecting on Abbas's dignity as the captive women of the Prophet's family are taken through Shaam. Read the Roman Urdu text, Urdu script and English meaning.Read moreShow less
Lyrics DetailsTap to viewTap to hide

Lyrics

Noke Neza Lyrics

WA
Now Playing
AZADARIVERSE · LISTEN & READ

Noke Neza

Noke Neza

Irfan Haider

YouTube loads when you open Listen.

Noke Neza

Irfan Haider

LYRICS

No verified timing yet · read alongside the video

Jab Shaam ke bazaar mein sayyidaaniyaan aayin
Are chaadar ki jagah khaak-e-safar baalon pe laayin
Naagaah jab Ghazi ki nazar Kulsoom tak aayi
Are sar khaak par Abbas ne naize se giraaya
Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Ek ghaiyoor wafadaar pe ab aur sitam kya hoga
Jis ki chaadar ka muhafiz tha wohi aaj hui be-parda
Shaam waalo, isi ehsaas se dauraan-e-safar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Gir gayi raah mein naaqe se Sakina to yeh Zainab ne kaha
Ek chacha aur bhatiji ki muhabbat to zara dekh Khuda
Pusht-e-naaqa pe sambhalti nahin Shah ki dukhtar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Shaam ke log tamaashaayi bane aur tamaasha Sadaat
Be-watan aur khule sar hain, sar-e-raah karein kya Sadaat
Khoon aankhon se bahaate hain Shah-e-Jinn-o-Bashar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Aandhiyo, khaak udaao ke bane is se haram ka parda
Goonji jab Shaam ki ghamnaak fazaaon mein yeh Zainab ki sada
Aasmaan rone laga, royi zameen yeh keh kar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Chashm-e-Sajjad se behne lage us waqt lahu ke dhaare
Jab ke masoom Sakina ko sitamgar ne tamaache maare
Laasha saahil pe tadapta hai udhar aur idhar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Rone waalo, sar-e-bazaar khule sar thi Ali ki beti
Gir gaya farq-e-wafadaar jo naize se to hairaan the shaqi
Poochha Abid se sitamgar ne, bataao kyun kar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Saath Sadaat ke shehzaadi-e-kaunain safar karti rahi
Noha karte hain Nabi, khaak udaate hain Hasan aur Ali
Haye kya waqt hai, rote hain sina par Sarwar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Kabhi Laila, kabhi Farwa, kabhi Kulsoom kahe wa-waila
Chehra baalon se chhupaate hue Zainab ne yehi ro ke kaha
Amma Fizza, zara dekho to yeh gham ka manzar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Noha likhte hue Irfan, yeh Mazhar ne kaha tha ro kar
Kaun qirtaas pe la sakta hai Aulaad-e-Payambar ka safar
Ro diye qalb-o-jigar ek hi misra likh kar
Noke neiza pe theharta nahin Abbas ka sar

Dar hai Kulsoom ke chehre pe na pad jaaye nazar
Noke neiza pe theharta nahin Abbas ka sar (×2)

Details

Lyrics Details

Category
Noha
Year
2005
Personalities
Hazrat Abbas, Sayyida Umm Kulthum, Sayyida Zainab, Bibi Sakina, Imam Zainul Abidin, Hazrat Fizza, Imam Hussain, Imam Hasan, Imam Ali, Prophet Muhammad
Occasion
Muharram
Original language
Urdu
Album
Bibi Zehra Yeh Dua Hai

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.