Skip to content
AzadariVerse
AzadariVerse

Noha

Ajal Hussain Ki Soorat

Nadeem Sarwar

1992Urdu
1992UrduImam HussainMuharram
Ajal Hussain Ki Soorat is a 1992 recitation by Nadeem Sarwar, with poetry credited to Rehan Azmi. It urges devotees to face death with Imam Hussain’s courage and to live by Imam Ali’s example, drawing upon Karbala, the battle of Khaybar and the witness of the Ahlulbayt. Explore the original Roman Urdu text, Urdu script and English translation.Read moreShow less
Lyrics DetailsTap to viewTap to hide
Category
Noha
Year
1992
Occasion
Muharram, Ashura
Original
Urdu
Album
Volume 12 (1992)

Lyrics

Ajal Hussain Ki Soorat Lyrics

WA
Now Playing
AZADARIVERSE · LISTEN & READ

Ajal Hussain Ki Soorat

Ajal Hussain Ki Soorat

Nadeem Sarwar

YouTube loads when you open Listen.

Ajal Hussain Ki Soorat

Nadeem Sarwar

LYRICS

No verified timing yet · read alongside the video

Hussainiyo, ye tum pe ho gaya laazim jo tum Hussaini ho
Ajal Hussain ki soorat, jiyo Ali ki tarah

Hussainiyo, ye tumhein Karbala bataati hai
Jo qaum apne shaheedon ko bhool jaati hai
Qadam qadam pe ajal se fareb khaati hai
Phir aisi qaum ki qismat mein be-sabaati hai
Hussainiyo, karo jo pairavi to Hurr ki pairavi ki tarah
Ajal Hussain ki soorat, jiyo Ali ki tarah

Koi Hussaini kabhi maut se nahin darta
Ali ka naam kabhi be-sukoon nahin karta
Ali ke bughz ka jo zakhm hai nahin bharta
Ali ka maanne wala kabhi nahin marta
Hussainiyo, jo in pe marta hai woh hai shaheed hi ki tarah
Ajal Hussain ki soorat, jiyo Ali ki tarah

Ali ke bachchon ko jo maut se daraata hai
Woh apni fikr-e-najis se fareb khaata hai
Ali ki raah se jo bhi qadam hataata hai
Nabi ka beta bhi toofaan mein doob jaata hai
Hussainiyo, Nabi ke bete agar ho, raho Nabi ki tarah
Ajal Hussain ki soorat, jiyo Ali ki tarah

Ali ke jeene ka andaaz kya niraala hai
Ali ne maut ko bhi rizq de ke paala hai
Khuda ke ghar mein shahaadat bada hawaala hai
Ali ne maut ko bhi mushkilon mein daala hai
Hussainiyo, Hasan Hussain bhi zinda rahe inhi ki tarah
Ajal Hussain ki soorat, jiyo Ali ki tarah

Jo haq-parast hai woh sab ghulaam-e-Haider hai
Nazar mein Badr-o-Uhud ke tamaam manzar hain
Jo haq-parast nahin, buzdilaan-e-Khaybar hain
Jo haq-parast hain un ke jale hue ghar hain
Hussainiyo, shuoor-e-haq ki zaroorat hai Qambari ki tarah
Ajal Hussain ki soorat, jiyo Ali ki tarah

Inhi ke dar pe ajal aa ke ho gayi majboor
Hayaat-o-maut ka banta hai in ke ghar manshoor
Inhi ke laal banaate hain sabr ka dastoor
Munafiqat hai hamesha dar-e-Hussain se door
Hussainiyo, huqooq rakhte hain saare ye daawari ki tarah
Ajal Hussain ki soorat, jiyo Ali ki tarah

Sanad ghulaami ki de de to khuld mil jaaye
Ye muskuraaye to murjhaaya phool khil jaaye
Zameen ko ghayz se dekhe, falak bhi hil jaaye
Yahaan se maangne dhadkan Nabi ka dil jaaye
Hussainiyo, kareem sab hain yahaan Rab-e-Akbari ki tarah
Ajal Hussain ki soorat, jiyo Ali ki tarah

Ali se zindagi gaati, Ali ka kya chheene
Ke jaam-e-sheereen jisey dast-e-Haideri se mile
Ali ne neend se bedaar kar diya ho jisey
Ali se zindagi woh chheenta bhala kaise
Hussainiyo, ajal pe kaun gira dehr mein Ali ki tarah
Ajal Hussain ki soorat, jiyo Ali ki tarah

Ye kaun jaata hai marne, lahoo lahoo hai badan
Faras ke dosh pe sooraj ki jaa rahi hai kiran
Jalaal kehta hai ye shakhs to hai maut-shikan
Tadap rahi hai dar-e-khaima pe ye kis ki behan
Hussainiyo, ye kaayenaat larazti hai sarsari ki tarah
Ajal Hussain ki soorat, jiyo Ali ki tarah

Ye kis ke halq pe ruk ruk ke tegh chalti hai
Hayaat roti hai aur maut haath malti hai
Zameen-e-garm se ek aag si nikalti hai
Ye kis ki maa hai jo girti hai aur sambhalti hai
Hussainiyo, ye kaayenaat pe chalti hai kya chhuri ki tarah
Ajal Hussain ki soorat, jiyo Ali ki tarah

Hayaat-o-maut ka ye falsafa diya kis ne
Ajal ka jaam Khuda ke liye piya kis ne
Ye marhala tha kathan, tay magar kiya kis ne
Rehan Azmi, mar ke bata diya kis ne
Hussainiyo, hayaat-o-maut hai be-sar Hussain hi ki tarah
Ajal Hussain ki soorat, jiyo Ali ki tarah

Details

Lyrics Details

Category
Noha
Year
1992
Personalities
Imam Hussain, Imam Ali, Imam Hasan, Hazrat Hurr, Prophet Muhammad, Sayyida Zainab
Occasion
Muharram, Ashura
Themes
Martyrdom and courage, Lessons of Karbala, Standing for truth, Devotion to Imam Ali, Life and death, Qambar
Original language
Urdu
Album
Volume 12 (1992)

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.