Skip to content
AzadariVerse
AzadariVerse

Noha

Chaley Aao Aey Zawwaro

Nadeem Sarwar

2013Urdu
2013Urdu
Chaley Aao Aey Zawwaro is Nadeem Sarwar's 2013 title noha inviting the mourners and pilgrims of Imam Hussain to Karbala. The verses celebrate ziyarat, service to azadars and the sacred landscape associated with the martyrs of Ashura.Read moreShow less
Lyrics DetailsTap to viewTap to hide
Category
Noha
Year
2013
Original
Urdu
Album
Chalay Aao Aey Zawwaro

Lyrics

Chaley Aao Aey Zawwaro Lyrics

WA
Now Playing
AZADARIVERSE · LISTEN & READ

Chaley Aao Aey Zawwaro

Chaley Aao Aey Zawwaro

Nadeem Sarwar

YouTube loads when you open Listen.

Chaley Aao Aey Zawwaro

Nadeem Sarwar

LYRICS

No verified timing yet · read alongside the video

Chaley aao aye zawwaro
Chaley aao
Meri awaz pe Labbaik pukare jao

Labbaik Ya Hussain

Naam tum sab ke mere dil pe hain likhe
Aao
Apne maa-baap ko is paak safar mein lao
Apne bachchon ko bhi ehram-e-aza pehnao
Mere zawwaro
Meri Karb-o-Bala aa jao

Ehd karta hoon azadaro
Shafa'at ke liye
Aao zawwaro
Chaley aao ziyarat ke liye

Chaley aao

Khush raho
Aye meri roodad sunane walo
Apni khushiyon mein
Mera sog manane walo
Sare aalam mein
Mera farsh bichhane walo
Garmi sardi mein
Meri qabr pe aane walo

Mujhko maloom hain
Tum logon ki hajat
Aao
Tum pe ho jayegi
Allah ki inayat
Aao

Chaley aao

Janib-e-Karb-o-Bala
Jab koi barhta hai qadam
Har qadam par
Mere zawwar pe hota hai karam
Saya karta hua
Abbas ka chalta hai alam
Muntazir rehti hain Zahra
Mere Baba ki qasam

Mere zawwaro
Mere dard ke maro
Aao
Meri Maa Fatima Zahra ke
Dularo
Aao

Chaley aao

Tum jo kehte ho:
Abad Wallah ma ninsa Hussain
Amma Zahra bhi yehi karti hain
Ro ro kar bain
Meri mazloomi pe roye hain
Shah-e-Badr-o-Hunain
Mere Baba bhi hain
Ab tak mere gham mein bechain

Tum nahin bhoole
To main bhi nahin bhoola tumko
Yaad chalte hue khanjar mein bhi
Rakhta tha tumko

Chaley aao

Tum jo lehrate ho
Hathon mein uthaye parcham
Tumko maloom hai
Ho jata hai taza mera gham
Yaad aata hai mujhe
Khoon mein dooba woh alam
Jiske jhuk jane se
Toota mere bachchon pe sitam

Mere Abbas ki jagir sajane aao
Hazri Rauza-e-Abbas pe khane aao

Chaley aao

Mere zawwaro suno
Ye zameen Karb-o-Bala
Mujhse pehle to yahan
Koi bhi bas na saka

Ye zameen Karb-o-Bala
Karb ka majmua hai
Hazrat-e-Adam-o-Hawwa ka
Yahin girya hai
Sher ne Hazrat-e-Isa ko
Yahin roka hai
Aur phir Takht-e-Sulaiman
Yahin larza hai
Is zameen par Ibrahim ka
Rahwar dhansa
Pa-e-Musa mein lagi chot
Lahu behne laga
Zabihullah ke haiwan
Rahe pyase yahan
Kashti-e-Nooh se takraya
Yahin par tufan
Is zameen par to
Pareshan hua har insan
Mere Baba bhi yahin
Karte rahe aah-o-fughan

Meri hijrat thi Madine se
Hidayat ke liye
Ye zameen maine khareedi thi
Shahadat ke liye

Chaley aao aye zawwaro
Chaley aao
Meri awaz pe
Labbaik pukare jao

Labbaik Ya Hussain

Do Muharram ko
Yahan mera rahwar ruka
Sath kunba tha mera
Main akela bhi na tha

Aao zawwaro
Mere sath chalo
Tham kar dil
Mera maqtal dekho

Ye Maqam-e-Ali Akbar hai
Jahan
Mere bachche pe
Jahan royi azan

Ye Maqam-e-Ali Asghar hai
Jahan
Aaj bhi baithi hui
Roti hai Maa

Ye jagah woh hai
Mere zawwaro
Lash-e-Qasim hui
Pamal idhar

Do maqamat jo
Aate hain nazar
Kate Abbas ke
Bazu the idhar

Hain zara door
Jo do dil ke qarar
Hain mere Aun-o-Muhammad ke
Mazar

Asr-e-Ashur se
Turbat ke qareeb
Mera Hurr aur
Mera lashkar hai yahin

Aur ye Tilla-e-Zainabiya hai
Yahin Zainab ne
Ye manzar dekha
Mujh pe chalta hua
Khanjar dekha

Mera Ashur
Ya Chehlum ho mera
Karbala aata hai
Kunba mera

Phir Sakina
Jo yahan aati hai
Meri turbat se
Lipat jati hai

Ya Hussain

Main hoon Hussain
Abd-e-Khuda
Khoon-e-Nabi
Khoon-e-Ali
Khoon-e-Hasan
Zahra nasab
Shah-e-Arab

Main hoon ata
Main hoon shifa
Ahl-e-Aza
Roz-e-Jaza
Denge tumhein
Lutf-o-karam
Bagh-e-Iram

Main hoon Hussain

Tum pe Salam-e-Karbala
Matami
Tum pe Salam-e-Shuhada
Matami
Tum pe Salam-e-Sayyeda
Matami
Tum pe Salam-e-Murtaza
Matami
Tum pe Salam-e-Mustafa
Matami
Tum pe Salam-e-Bawafa
Matami

Tum ho Dil-e-Zainab-e-Kubra ka chain
Kehte raho
Kehte raho
Ya Hussain

Details

Lyrics Details

Category
Noha
Year
2013
Original language
Urdu
Album
Chalay Aao Aey Zawwaro

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.