Skip to content
AzadariVerse
AzadariVerse

Marsiya

Chehlum Jo Karbala Main Bahattar Ka Ho Chuka

Mirza Dabeer

Urdu
UrduImam HussainArbaeen
Chehlum Jo Karbala Main Bahattar Ka Ho Chuka is a classical Urdu marsiya attributed to Mirza Dabeer, commemorating Arbaeen and the mourning of Imam Hussain (AS) and the martyrs of Karbala. The elegy depicts Bibi Zainab (SA), Imam Zainul Abidin (AS), and the surviving Ahlulbayt preparing to leave Karbala after visiting the graves of their loved ones. Read the six-stanza marsiya with Roman Urdu, Urdu script and English translation on AzadariVerse.Read moreShow less
Lyrics DetailsTap to viewTap to hide
Category
Marsiya
Occasion
Arbaeen
Original
Urdu

Lyrics

Chehlum Jo Karbala Main Bahattar Ka Ho Chuka Lyrics

WA

Chehlum Jo Karbala Mein Bahattar Ka Ho Chuka
Paiwand Bekason Ke Tan-o-Sar Ka Ho Chuka
Aur Fatiha Hussain Ke Lashkar Ka Ho Chuka
Qabron Pe Shor Aal-e-Payambar Ka Ho Chuka

Matam Mein Teen Roz Rahe Shor-o-Shain Se
Roye Lipat Lipat Ke Mazar-e-Hussain Se

Misl-e-Chiragh Gor-e-Ghareeban Pe Dil Jalaye
Phoolon Ke Badle Qabron Pe Lakht-e-Jigar Charhaye
Pyaron Ki Bood-o-Baash Ke Saman Jo Yaad Aaye
Be-Sakhta Pukare Kaleja Pakar Ke Haaye

Ab Kis Ke Saath Dakhla-e-Karbala Hua
Laya Tha Jo Madine Se Hum Ko Woh Kya Hua

Hazrat Ki Qabr Hil Gayi Zainab Ke Bain Se
Aa Kar Kaha Bashir Ne Ibn-e-Hussain Se
Shehzade Jaan-Ba-Lab Hain Phuphi Shor-o-Shain Se
Chaliye Watan Ko Qabr-e-Shah-e-Mashriqain Se

Abid Ne Poochha Kyun Phuphi Amma Qubool Hai
Woh Boli Ikhtiyar Kahan Haan Qubool Hai

Aaye The Doosri Ko Muharram Ki Kis Ke Saath
Khaime Bapa Hue The Barabar Lab-e-Furat
Utre The Hum To Roki Thi Abbas Ne Qanaat
Takeed Thi Pukar Ke Koi Kare Na Baat

Haaye Haaye Kahan Bichhar Ke Woh Aaram-e-Dil Gaye
Parda Tha Jin Se Khaak Mein Haaye Haaye Woh Mil Gaye

Aaye The Kis Tarah Se Watan Kis Tarah Chalein
Na Shah Rahe Na Godiyon Mein God Ke Paale
Sote The Qabr Mein Jo Kataye Hue Gale
Woh Waqt Woh Tha Phirte The Sab Aankh Ke Tale

Abid Se Bano Kehti Thi Mohlat Qaleel Hai
Kuchh Khaak-e-Paak Le Lo Ke Sughra Aleel Hai

Ae Karbala-e-Sarwar-e-Dilgeer Alvida
Ae Qatl-Gah-e-Hazrat-e-Shabbir Alvida
Ae Qabr-e-Ibn-e-Sahib-e-Tatheer Alvida
Ae Bhai Jaan Jaati Hai Hamsheer Alvida

Kya Gham Naseeb Hai Yeh Nawasi-e-Rasool Ki
Tum Ne Mujawari Bhi Na Hamari Qubool Ki

Details

Lyrics Details

Category
Marsiya
Personalities
Imam Hussain, Imam Zainul Abidin
Occasion
Arbaeen
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.