Skip to content
AzadariVerse
AzadariVerse

Noha

Khanjar Qareeb

Nadeem Sarwar

2006Urdu
2006Urdu
Khanjar Qareeb is a 2006 Noha recited by Nadeem Sarwar, with poetry by Rehan Azmi. This deeply emotional kalaam portrays the final moments of Imam Hussain (AS) in the battlefield of Karbala, as the dagger draws near and the امتحان of sabr reaches its ultimate height. The Noha recalls the grief of Bibi Fatima (SA), Bibi Zainab (SA), and Bibi Sakina (SA), and closes with a moving salute from Ziyarat. Read the Roman Urdu lyrics, Urdu lyrics, and English translation on AzadariVerse.Read moreShow less
Lyrics DetailsTap to viewTap to hide
Category
Noha
Year
2006
Original
Urdu

Lyrics

Khanjar Qareeb Lyrics

WA
Now Playing
AZADARIVERSE · LISTEN & READ

Khanjar Qareeb

Khanjar Qareeb

Nadeem Sarwar

YouTube loads when you open Listen.

Khanjar Qareeb

Nadeem Sarwar

LYRICS

No verified timing yet · read alongside the video

Jab kat gaya Zahra ka chaman dasht-e-bala mein
Shamil hua pyason ka lahu khaak-e-shifa mein
Koi na raha fauj-e-Imam-e-Do Sara mein
Aur ghir gaya Haider ka pisar ahl-e-jafa mein
Ik khush-gulu aur kai soo naiza-o-khanjar
Aur nau lakh ka rela, aur akela woh dilawar

Jab mera Hussain, Fatima ka chain ×2
Pushte-rahwar se khaak par gira

Ya Hussain ×4

Khanjar qareeb, zanu-e-qatil qareeb hai
Ya Hussain ×2

Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai ×2

Jaan se qareeb-tar mera Parwardigar dekh
Aashiq ka apne reyg-e-tapaan par qarar dekh
Mera yaqeen dekh, mera aitbaar dekh
Main kitna mutmain hoon, idhar ek baar dekh
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Pyasa hoon teen roz ka, zakhmon se choor hoon
Ya Rab gawah rahiyo ke main be-kasoor hoon
Cheh maah ho gaye ke watan se bhi door hoon
Ab teri bargah mein tere huzoor hoon
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Ek qalb-e-natawan pe bahattar ka daagh hai
Atharah saal ke Ali Akbar ka daagh hai
Bazu-burida sher ka, Asghar ka daagh hai
Lagna abhi luti hui chadar ka daagh hai
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Yeh keh ke jo khamosh hue Sibt-e-Payambar
Dekha ke sarhane hai khadi Madar-e-Muztar
Shehzadi ke sar par hai padi khaak ki chadar
Kehti hain woh sar god mein Shabbir ka lekar
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Mazloom ki imdaad ko aata nahi koi
Pani bhi dam-e-marg pilata nahi koi
Zakhmon mein lagi khaak churata nahi koi
Haye haye mere bache ko bachata nahi koi
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Haider se kaha Zahra ne, khauf aata hai Sahib
Maa hoon, mera dil dard se thar-tharata hai Sahib
Ye dekhiye duniya se pisar jata hai Sahib
Khanjar ko liye Shimr chala aata hai Sahib
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Farmane lage maa se basad ranj ye Maula
Kuch dair mein ab kooch hai duniya se hamara
Ay Amma, chali jaiye maqtal se khudara
Kis tarah se dekhogi tadapta hua laasha
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Ek baar jo khaimon ki taraf yaas se dekha
Dekha ke dar-e-khaima pe roti hai Sakina
Ek hook uthi qalb mein, rone lage Maula
Zainab se isharon se kaha, ay meri behna
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Aawaz-e-ghaib aayi, palat aa Hussain aa ×2
Ab imtehan tera mukammal yahan hua
Khoon-e-pisar se tu hai wuzu ab to kar chuka
Ye sun ke Sheh ne sajde mein sar rakh ke ye kaha
Khanjar qareeb, zanu-e-qatil qareeb hai
Aaj imtehan sabr-e-Hussain-e-ghareeb hai

Jab pahunchi behen bhai ke laashe pe khule sar
Dekha ke laeen pher chuka halq pe khanjar
Aur Shimr liye jata hai sar gesu pakar kar
Ay Sarwar-o-Rehan, karo yaad woh manzar

As-salaamu alayka ya Tharallahi wabna thaarih
Wal-witr al-mawtoor
Ashhadu annaka qad aqamta-s-salaat
Wa atayta-z-zakaat
Wa amarta bil ma'roof
Wa nahayta anil munkar
Wa ata'tallaha wa Rasoolah
Hatta ataakal yaqeen
As-salaamu alayka ayyuhash-shaheed
As-salaamu alayka ayyuhal-mazloom
Wabnul-mazloom

Details

Lyrics Details

Category
Noha
Year
2006
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.