Skip to content
AzadariVerse
AzadariVerse

Noha

Milke Sab Matam-e-Shabbir Karein

Nadeem Sarwar

1993Urdu
1993UrduImam HussainMuharram
Milke Sab Matam-e-Shabbir Karein is an Urdu noha recited by Nadeem Sarwar in the 1993 (Volume 13) collection, with poetry credited to Rehan Azmi. Read its Roman-script lyrics, original script and line-aligned English translation.Read moreShow less
Lyrics DetailsTap to viewTap to hide
Category
Noha
Year
1993
Occasion
Muharram, Ashura
Original
Urdu
Album
Volume 13 (1993)

Lyrics

Milke Sab Matam-e-Shabbir Karein Lyrics

WA
Now Playing
AZADARIVERSE · LISTEN & READ

Milke Sab Matam-e-Shabbir Karein

Milke Sab Matam-e-Shabbir Karein

Nadeem Sarwar

YouTube loads when you open Listen.

Milke Sab Matam-e-Shabbir Karein

Nadeem Sarwar

LYRICS

No verified timing yet · read alongside the video

Milke Sab Matam-e-Shabbir Kare
Dil ba dil, seena ba seena, Karbala taameer karein
Milke sab matam-e-Shabbir karein

Yeh matam pehchaan hamaari, is pe jaan qurbaan hamaari
Jism yehi, yeh jaan hamaari, yeh matam hai shaan hamaari
Kehta hai imaan hamaara, saare jawaan-o-peer karein
Milke sab matam-e-Shabbir karein

Asghar teri pyaas ka matam, Akbar ka Abbas ka matam
Hasrat ka aur yaas ka matam, haasil hai ehsaas ka matam
Laakh zamaana humko roke, hum is ki tashheer karein
Milke sab matam-e-Shabbir karein

Yeh matam mazloom ka matam, Zahra ke masoom ka matam
Paani se mehroom ka matam, tegh tale halqoom ka matam
Is matam se hum jo chaahein, waqt ko zanjeer karein
Milke sab matam-e-Shabbir karein

Abid ki zanjeer ka matam, khushk gale aur teer ka matam
Zainab ka Shabbir ka matam, dil se karein dilgeer ka matam
Jo matam Zainab ne kiya tha, hum us ki tafseer karein
Milke sab matam-e-Shabbir karein

Matam kya hai, Sheh ka alam hai, yeh matam to deen ka bharam hai
Jis se khushi ho woh yeh gham hai, haq ka yehi matam parcham hai
Is parcham ko, is matam ko seenon pe tahreer karein
Milke sab matam-e-Shabbir karein

Matam jis ka darya darya, jis ki wafa imaan ka chehra
Jis ke alam ka khoon pe pharera, doob gaya woh chaand na dooba
Us ki wafaat kehti hai hum se, duniya ko taskheer karein
Milke sab matam-e-Shabbir karein

Yaad mein teri Shaam-e-Ghareeban, matam karne waale insaan
Karte hain jab chaak garebaan, Zahra khud hoti hai giryaan
Sunnat-e-Zahra hai yeh matam, is ko aalamgeer karein
Milke sab matam-e-Shabbir karein

Kar na saki jo bhai ka gham, us Zainab ki yaad mein ab hum
Ranj-o-khushi se karke baham, har din samjhein maah-e-Muharram
Zakhm-e-dil-e-Zainab ki khaatir, koi dawa akseer karein
Milke sab matam-e-Shabbir karein

Jin ke rasan mein haath bandhe the, kaise bhala woh matam karte
Un ke dilon mein yaad basa ke, nohe ki matam ki sada se
Ahl-e-aza Zahra ki dua se, khuld ko jaageer karein
Milke sab matam-e-Shabbir karein

Maula aisa zarf ata kar, yeh matam saughaat bana kar
Le jaayein seenon pe saja kar, shehr-e-Najaf mein dil mein basa kar
Apni azadari ka tohfa, nazr-e-Khaybar-geer karein
Milke sab matam-e-Shabbir karein

Keh denge Rehan-o-Sarwar, hashr mein jab Khatoon-e-Mehshar
Poochengi yeh baat jo aakar, chahiye kya matam ki bina par
Hum keh denge, hum ko ghulaam-e-Shabbar-o-Shabbir karein
Milke sab matam-e-Shabbir karein

Details

Lyrics Details

Category
Noha
Year
1993
Personalities
Imam Hussain, Sayyida Zainab, Sayyida Fatima Zahra, Hazrat Abbas, Ali Akbar, Ali Asghar, Imam Zainul Abidin
Occasion
Muharram, Ashura
Themes
Azadari, Matam, Remembrance of Karbala
Original language
Urdu
Album
Volume 13 (1993)

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.