Skip to content
AzadariVerse
AzadariVerse

Noha

Sakina Kahani Suno

Nadeem Sarwar

2003Urdu
2003UrduBibi SakinaMuharram
Sakina Kahani Suno is a 2003 noha recited by Nadeem Sarwar from Volume 23, also distributed as Dua E Kumail and Ya Sari Al Raza. It reflects on prison of shaam. Read the Roman lyrics, Urdu text and English translation with original refrains.Read moreShow less
Lyrics DetailsTap to viewTap to hide
Category
Noha
Year
2003
Occasion
Muharram, Ashura
Original
Urdu
Album
Dua E Kumail (Volume 23, 2003)

Lyrics

Sakina Kahani Suno Lyrics

WA
Now Playing
AZADARIVERSE · LISTEN & READ

Sakina Kahani Suno

Sakina Kahani Suno

Nadeem Sarwar

YouTube loads when you open Listen.

Sakina Kahani Suno

Nadeem Sarwar

LYRICS

No verified timing yet · read alongside the video

Siyaah raat mein zindaan ke dar pe ro ro ke
Sakina kehti hai, Baba yeh shab sataati hai
Judaai aap ki, us par yeh khaak ka bistar
Kahin andhere mein bachchon ko neend aati hai
Yeh sun ke Zainab-e-mazloom boli, gham na karo
Kahani kehti hoon main ek, suno Sakina suno
Sakina kahani suno, Sakina kahani suno

Ek shahenshah tha, haaye Sakina, ek shahenshah tha
Yathrib mein raha karta tha
Uska ghar woh tha ke Quran jahaan utra tha
Dar pe Jibreel sa darbaan raha karta tha
Uska aangan bhi sitaaron se bhara rehta tha
Uske darwaaze se khaali na koi jaata tha
Aasmaan uski sakhaawat ki qasam khaata tha
Haaye Sakina, kahani suno ×2

Uske baba ko dar-e-ilm kaha jaata tha
Maa ne shahzaadi-e-kaunain laqab paaya tha
Uske beton mein nazar aks-e-Nabi aata tha
Betiyon ko gul-e-paakeeza kaha jaata tha
Uske ek bhai ki rag rag mein wafa behti thi
Ek behan saath mein saaye ki tarah rehti thi
Haaye Sakina, kahani suno ×2

Ek din kya hua, haaye Sakina, ek din kya hua
Woh ghar se safar par nikla
Uska sab kunba bhi Quran ki hifaazat ko chala
Ashqiya ne use phir dasht-e-bala mein ghera
Teen din tak use paani bhi mayassar na hua
Ho gaye aam har ek jaur-o-jafa uske liye
Aur phir jang ka maidaan saja uske liye
Haaye Sakina, kahani suno ×2

Uske ek bete ke seene mein sina toot gayi
Bhai ke haath kate, teer laga, mashk chhidi
Laash paamaal bhateeje ki bhi maqtal mein hui
Be-zabaan qatl hua, khasta chhuri us pe chali
Us shahenshah ke kunbe pe ghareebi chhaayi
Bujh gaye saare diye, Shaam-e-Ghareeban aayi
Haaye Sakina, kahani suno ×2

Khaime jalne lage, nazdeek sitamgar aaye
Us shahenshah ki bachchi ne tamaanche khaaye
Kaan zakhmi hue, khoon aankhon se tapka, haaye
Dhoondhne baap ko maqtal mein woh kaise jaaye
Jalte daaman ko liye ganj-e-shaheedaan mein gayi
Rassi gardan mein bandhi, Shaam ke zindaan mein gayi
Haaye Sakina, kahani suno ×2

Phir Sakina ne kaha, haaye Sakina, phir Sakina ne kaha
Rehte hain woh log kahaan?
Boli Zainab ke hue sab woh aseer-e-zindaan
Qissa aakhir hua, neend aayi na tumko meri jaan?
Boli ro ro ke Sakina, phuphi ab neend kahaan
Tum to kehti thi kahani suno, neend aati hai
Is kahani se meri neend uri jaati hai
Haaye Sakina, kahani suno ×2

Boli ro ro ke Sakina, yeh mera qissa hai
Is kahani ka shahenshah mera baba hai
Neza jiske laga seene mein mera bhaiya hai
Mera Asghar hai, laeenon ne jise maara hai
Be-rida tum ho, phuphi jaan meri jaati hai
Yeh kahani to mere ghar ki nazar aati hai
Haaye Sakina, kahani suno ×2

Jisko seene pe shahenshah ke neend aati thi
Dasht mein haaye chacha keh ke jo chillaati thi
Jiske kaanon se lahu behta tha, jo pyaasi thi
Apne baba ki judaai mein mari jaati thi
Us shahenshah ki beti woh Sakina main hoon
Jiska dushwaar hua qaid mein jeena main hoon
Haaye Sakina, kahani suno ×2

Khatm jab Shaam ke zindaan mein kahani yeh hui
Woh jo sunti thi kahani, woh Sakina na rahi
Thaame zanjeer naqaahat se utha ek qaidi
Ek nanhi si lahad kaanpte haathon se bani
Sar shahenshah ka godi mein lahu rota tha
Wa Hussaina ka bas ek shor bapaa hota tha

Details

Lyrics Details

Category
Noha
Year
2003
Personalities
Bibi Sakina, Sayyida Zainab, Imam Hussain, Hazrat Abbas, Ali Akbar, Ali Asghar
Occasion
Muharram, Ashura
Themes
Prison of Shaam, Story of Karbala, Sakina and Zainab
Original language
Urdu
Album
Dua E Kumail (Volume 23, 2003)

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.