Skip to content
AzadariVerse
AzadariVerse

Noha

Woh Shahenshah-e-Zaman

Nadeem Sarwar

1990Urdu
1990UrduImam HussainMuharram
Woh Shahenshah-e-Zaman Jisko Kafan Bhi Na Mila is a 1990 Urdu Noha recited by Nadeem Sarwar, with poetry by Mehshar Lakhnavi. It mourns the martyrdom of Imam Hussain (a.s.), recalling his exalted position in the family of Prophet Muhammad (s.a.w.a.), his kindness, the suffering of Ali Akbar and Ali Asghar, and the tragedy of his unshrouded body at Karbala. Read the Roman Urdu lyrics, Urdu script and English translation.Read moreShow less
Lyrics DetailsTap to viewTap to hide
Category
Noha
Year
1990
Personalities
Imam Hussain
Occasion
Muharram, Ashura
Original
Urdu

Lyrics

Woh Shahenshah-e-Zaman Lyrics

WA
Now Playing
AZADARIVERSE · LISTEN & READ

Woh Shahenshah-e-Zaman

Woh Shahenshah-e-Zaman

Nadeem Sarwar

YouTube loads when you open Listen.

Woh Shahenshah-e-Zaman

Nadeem Sarwar

LYRICS

No verified timing yet · read alongside the video

Hote rehte thay jise hulle-e-Firdous ata
Woh Shahenshah-e-zaman, jisko kafan bhi na mila

Woh Muhammad ka nawasa, woh Hussain Ibn-e-Ali
Gulshan-e-Fatima Zehra ki woh masoom kali
Naam hai Panjatan-e-Pak mein ba-harf-e-jali
Hurmat-e-deen-e-Khuda jiski shahadat mein dhali
Hote rehte thay jise hulle-e-Firdous ata
Woh Shahenshah-e-zaman, jisko kafan bhi na mila

Jhoola Jibreel ne bachpan mein jhulaya woh Hussain
Dosh par jisko Payambar ne bithaya woh Hussain
Jis pe Quran ke paaron ka tha saaya woh Hussain
Paani dil khol ke dushman ko pilaya woh Hussain
Haaye us bekas-o-nadaar ko paani na diya
Woh Shahenshah-e-zaman, jisko kafan bhi na mila

Dasht mein gher liya jisko bula kar mehmaan
Saamne jis ke tadapta raha Akbar sa jawaan
Kheench li jis ne jawaan bete ke seene se sinaan
Jis ke haathon pe hua qatl pisar ghuncha-dahaan
Aakhri naasir-e-mazloom bhi jiska na raha
Woh Shahenshah-e-zaman, jisko kafan bhi na mila

Khoob rote hain jo apna koi mar jaata hai
Laasha be-waali-o-waris ka kafan paata hai
Aur taras kha ke use koi bhi dafnaata hai
Taaziyat ke liye dushman bhi chala aata hai
Haaye afsos, jigar-gosha-e-Mehboob-e-Khuda
Woh Shahenshah-e-zaman, jisko kafan bhi na mila

Haaye paamaal hui laash-e-Hussain Ibn-e-Ali
Bhai ki laash pe mazloom behan ro na saki
Laash-e-uryaan pe lahu, chashm-e-falak roti thi
Kalma padhte thay Payambar ka aur hanste thay shaqi
Laash par jamti thi khaak aur yeh deti thi sada
Woh Shahenshah-e-zaman, jisko kafan bhi na mila

Parcham-e-Hazrat-e-Abbas uthaane waale
Rahein aabaad aza-khaane sajaane waale
Aur salaamat rahein Nohon ko sunaane waale
Gham-e-Sarwar mein hain jo ashk bahaane waale
Fatima Zehra unhein Khuld mein deti hain dua
Woh Shahenshah-e-zaman, jisko kafan bhi na mila

Zikr-e-Maula mein qalam rok na apna Mehshar
Dekh Zainab ke nahin sar pe abhi tak chaadar
Pursa deta rahe ash'aar se Sheh ka Mehshar
Rakh tasawwur mein ke hai dasht mein laash-e-Sarwar
Laash-e-uryaan ko odhaata rahe Nohon ki rida
Woh Shahenshah-e-zaman, jisko kafan bhi na mila

Details

Lyrics Details

Category
Noha
Year
1990
Personalities
Imam Hussain
Occasion
Muharram, Ashura
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.