Skip to content
AzadariVerse
AzadariVerse

Noha

Ya Ali Adrikni

Nadeem Sarwar

1984Urdu
1984UrduImam AliMuharram
Ya Ali Adrikni is an Urdu Noha recited by Nadeem Sarwar, invoking Imam Ali (a.s.) while mourning the tragedy of Karbala. Its verses recall the thirst of Imam Hussain, the martyrdom of Ali Asghar and Ali Akbar, the sacrifice of Hurr, and the suffering of Bibi Zainab. Read the Roman Urdu lyrics, Urdu script and English translation.Read moreShow less
Lyrics DetailsTap to viewTap to hide
Category
Noha
Year
1984
Occasion
Muharram, Ashura
Original
Urdu

Lyrics

Ya Ali Adrikni Lyrics

WA
Now Playing
AZADARIVERSE · LISTEN & READ

Ya Ali Adrikni

Ya Ali Adrikni

Nadeem Sarwar

YouTube loads when you open Listen.

Ya Ali Adrikni

Nadeem Sarwar

LYRICS

No verified timing yet · read alongside the video

Dasht mein looti gayi Aal-e-Rasool-e-Madani
Ya Ali Adrikni, Ya Ali Adrikni
Haaye be-aab hue qatl Hussaini Hasani
Ya Ali Adrikni, Ya Ali Adrikni

Dasht woh tapta hua, dhoop mein Aal-e-Aba
Khaak pe baitha hua, karta hai ro kar buka
Kaisi taqdeer mein likhi thi ghareeb-ul-watani
Ya Ali Adrikni, Ya Ali Adrikni

Shah ka woh nusratī, kaisa hua jannati
Zaanu-e-Sibt-e-Nabi, aur sar-e-Hurr-e-jari
Koi Hurr jaisa nahin duniya mein qismat ka dhani
Ya Ali Adrikni, Ya Ali Adrikni

Fatima Zehra ka laal, pyaas se ran mein nidhaal
Aata hai aksar khayaal, kis se karoon yeh sawaal
Maalik-e-Kausar-o-Tasneem yeh tashna-dahaani
Ya Ali Adrikni, Ya Ali Adrikni

Bachcha bhi chhe maah ka, pyaas se tadpa kiya
Teer-e-sitam kya chala, chhid gaya nanha gala
Teer sahe pehlu aur Asghar ki yeh ghuncha-dahaani
Ya Ali Adrikni, Ya Ali Adrikni

Kehti thi ro kar yeh maa, haaye mera be-zubaan
Haaye yeh nanhi si jaan, toota na kyun aasmaan
Yeh sitam aur mere Asghar ki yeh naazuk-badani
Ya Ali Adrikni, Ya Ali Adrikni

Haaye woh kadiyal jawaan, gir pada kha kar sinaan
Ro diya yeh aasmaan, baap ka azm-e-jawaan
Shah-e-Deen kheenchte hain seene se barchhi ki ani
Ya Ali Adrikni, Ya Ali Adrikni

Laash pe kehti hai maa, aye mere kadiyal jawaan
Saal tha atharahwaan, haaye yeh zakhm-e-sinaan
Dekhiye aa ke jawaan laal ki gul-pairahani
Ya Ali Adrikni, Ya Ali Adrikni

Sayyid-e-abraar hai, nargha-e-kuffaar hai
Dar pe yeh aazaar hai, teeron ki bauchhaar hai
Jism-e-Shabbir ka teeron se hai chhalni chhalni
Ya Ali Adrikni, Ya Ali Adrikni

Zainab-e-aali-maqaam, tum pe hain laakhon salaam
Ummat-e-Khair-ul-Anaam, khoob kiya ehteraam
Be-rida Sani-e-Zehra hui baazu-rasani
Ya Ali Adrikni, Ya Ali Adrikni

Ya mere Mushkil-Kusha, khalq ke haajat-rawa
Aap pe Mehshar fida, kar do ishaara zara
Sang-reze abhi ho jaayenge laal-e-Yamani
Ya Ali Adrikni, Ya Ali Adrikni

Details

Lyrics Details

Category
Noha
Year
1984
Personalities
Imam Ali, Imam Hasan, Imam Hussain
Occasion
Muharram, Ashura
Original language
Urdu

Privacy preferences

Essential site features remain available regardless of your decision.

This control does not grant advertising consent. You can change your analytics choice at any time using “Privacy choices”.Privacy Policy.